Það fer svolítið eftir hverjum og einum, ef þú hefur ekki kafað í 6 mánuði eða lengur og finnst þú svolítið ryðgaður er ekki vitlaust að gera eina köfun áður eða koma í upprijunarnámskeið með okkur. Sumir köfunarstaðir á Íslandi eru svolítið djúpir og með slæmt skyggni og því ekki sniðugt að fara með óörygga kafara á þá staði. Það er einmitt þess vegna sem við setjum lágmarkskröfur um 4-10 þurrbúningakafanir og 30-40 kafanir í heildina á sumum lengri ferðum.

Eins og með hverja aðra köfunarferð krefjumst við þess að kafararnir séu heilbrigðir og hraustir. Ef þú ert ekki viss mælum við með því að þú látir lækni kíkja á þig. Við munum einnig biðja þig um að skrifa undir heilsufarsyfirlýsinguna okkar og fá læknisvottorð ef sú yfirlýsing krefst þess.

Við mælum með að þú komir með allan köfunarbúnaðinn þinn, föðurland og hlí útiföt. Þér er einnig velkomið að leigja köfunarbúnað frá okkur. Einnig er mikilvægt að koma með regnföt og alls ekki vitlaust að koma með gönguskóg.